Copyright chugchanga hriattur pawimawh te

COPYRIGHT CHUNGCHANGA HRIATTUR PAWIMAWH

IPRS ah member ni la i hla/music siam hmangin hlawkna tel la humhalh bawk ang che.

Enge IPRS chu anih chiah le ?

The Indian Performing Right Society Limited ( IPRS ) hi mi rimawi siamchhuah humhalhsaktu/venhimsaktu tur a pawl din ( Copyright Society ) ani a, India sawrkar hnuaiah registered fel thlap anni a ( Govt. of India u/s 33(3) of the Copyright Act of 1957 ). Tin, HRD ( Human Resource Development ) , Education Department, Copyright Board te chuan IPRS te hi pawl emaw , mimal emaw te hnena mipui hma / TV / Radio a zai/lam show tur te hnena phalna pek theihna ( Public Performance License ) dinhmun a pe ani ( Sec. 30 of the Copyright Act, 1957 )

IPRS hi Copyright Enforcement Advisory Council Gov't of India ah member an nih angin rimawi tumtu leh zaithiamte kutchhuak humhalhsak/ enkawlsak hi a dinchhan leh a thiltum pui ber ani.

Public Performance License neih hi thiltih makmawh ani a ( under the Copyright Act of 1957 ). Hla leh rimawi tumrik dan chi hrang hrang (Live/Concert a zaina , Soundtrack nen a heng hmun a zai - Hotel , Picnic spot , Restaurant , Zuinna hmun , Lamna hmun , Damdawiin , Dawr lian, Park , Hall leh a dangte . 

IPRS hian rimawi pekchhuah dan hi a khuahkhirhin TV leh radio a pekchhuah leh mipui hmaa show neihdan te hi a enkawl vek ani. Tin, India leh rampawn a rimawi pekchhuah, hralh, show neih ah te thutawp a neiin a tuldan a zirin a inrawlh thei vek a.

" The Indian Performing Right Society Ltd ( IPRS ) hnen a phalna ( License ) la hmasa lo a mipui hma a rimawi tum leh concert ilo lo siam ve ringawt hi dan bawhchiatna nasa tak ani ( Sec 51 of the Copyright Act 1957 en la ) bail theihloh an niin a hremna pawh na tak , Rs.200,000 /- ( Cheng nuaihnih ) chawi emaw kumthum (3) chhung lungin tan thlengin hrem theih ani . Tin, cheng nuaihnih chawi leh kum 3 lungin tan pawhin a hrem kawp theih ani bawk .

India hmarchhak ( Northeast India ) a Liscensing officer, Pu Deep Jyoti Das-a sawidan chuan zaithiam leh artiste siamsa hla/music ilo a ruk a lo Copy, DVD/CD a Write , TV a chhuah leh lo hmansak hrim hrim te hi artiste te kutchhuak lo khawih chingpenna nasa tak ani a. Zaithiam/musician te kutchhuak hman tum reng reng chuan IPRS ah phalna kimchang lak hmasak thlap zel tur ani. Tin, hetiang a a ruk a mi hla leh rimawi lo hmanrukna avang hian zaithiam, artiste, an hla/rimawi siamsaktu/chhuahsaktu Recording Studio te hian an sum dawntur diktak an dawng thei ta thinlo a , sum tam thamtak an chan phah ta thin ani .

Hetiang hi thil awmdan anih avangin mitinte fimkhur tlang ila, dan diktak a IPRS atanga phalna lak hmasak zel hi tum tlang theuh ila atha ange .

 Zawhna leh Chhanna tlem tilang ila :

Zawhna : Sawrkhar a register felthlap Copyright thil buaipuitute hi India ramah an awm reng em ?

Chhanna = Awm teh meuh mai, Society pathum a awm a chung zingah chuan IPRS hi a tel ani :

IPRS ( The Indian Performing Right society Limited ) - 208 , Golden Chambers , 2nd Flor, New Andheri Link road, Andheri (W) Mumbai -400 058 ( for musical works )

IPRS hi chu rimawi leh zailam ngawr ngawr bik chauh a Copyright buaipuitute an ni.

Zawhna : Mi rimawi siamsa play/hmang turin heng Society hrang hrang atang hian phalna License lak angai vek kher em le ?

Chhanna = Hei hi chu a rimawi hmangtute hman tumdan ah a innghat ang chu , an hman tumdan a zirin a danglam thei ani . A tlangpui thuin Society/pawl hrang hrang a License lak hi a ngai fo thin . Entirnan mi hla rimawi/hla record sa hmanchhawn phalna kha IPRS a lak angaih rual rualin mi rimawi record felthlap play chhawn phalna erawh PPL a lak angai thung ang .

STANDARD OPERATING PROCEDURE ( SOP ) FOR INVESTIGATION OF COPYRIGHT INFRINGEMENT CASES ( Registered under Copyright Act, 1957 )

[ Copyright dan bawhchhetute chunga hmalak dan tur tlangpui , Copyright Act 1957 ]

Copyright Act dan hmang a mi diklo te case siamsak an nih hian thiamlohna neilo anga chhuahtir an nih fo avangin he thilsual chhuina hi fimkhur leh uluk zawk a kalpui ni sela tih ani .

A chhuitu Officerte chuan a hnuai a kaihhruaina ziakte hi zir chiang in hrechiang sela a lawmawm khawp ang [ Standard Operating Procedure - SOP ]

III. Dan bawhchhetute man anih hnu a thil chinfel tur te :

1. Video a ruk a siam te chu khawi atanga rawn kal nge tih chhuitur. Internet ah pawh chhui zui zel tur ani.

2. Sections 51, 52(A) leh 63 , 64(A) Copyright Act te hman theih anni .

3. Tin, danlo a sumdawng tu inbul vel a hnathawk te kha thu zawhfiah a thiltisualtu hremna tur atan a hman theih anni. 

4. Mi hla / music etc diklo tak a lo tichingpentu kha enchian a ziahfel vel zel tur ani.

5. Forensic Science Laboratory te thu leh hla pawh lak a mi dan bawhchhiatna sawifiahnan a hman theih. Heng Forensic report te hi Pirated/ danlo a thil copy chhawn antih avanga Copyright Act an bawhchhia tih finfiahna atan a hman tur ani .

6. A chhuitu officers / I.O.s te chuan OC/SDPO an file nen a berawn in Panchnama an lachhuak tur ani . A Panchnama hi I.O's ten a anmahni a an siam anih chuan OC/SDPO ten an lo endikin anlo pawmsak leh tur ani ang .

7. Case buaipui laia bungrua mankhawm zawng zawng hi uluk tak a bawm chhung a khungin seal thlap vektur ani . Bawm chu original Panchanama nen Court hmaah a rang thei ang ber a kentur ani a, hun khawhral miahloh tur ani.

( Panchanama is a statment of a person who is present at the time of investigation of the crime by the police officer. This panchanama contains the details and boundaries of the spot of the offence/accident. It also contains the time of investigation by the investitgating officer etc., mahazar means : it is a panchanama of dead body )

I. Police station a tihtur pawimawhte :

(i). Hnuchhuina a thu kallam leh hawlamte ulik tak a POLICE DIARY ah ziahfel thlap zel tur ani .

(ii). A hriatpuitu mi 5 ( Panch ) te chu police station ah an present/ awm ngei ngei tur ani .

(iii). Hriatpuitu mi 5 ( Panchas ) te chu mi rintlak , lehkhathiam , chulai vel khua a piang leh seilian, Sawrkar hnathawk anni ngei tur ani .

II. Thil diklo tihna / dan bawhchhiatna hmun a tihtur te :

(i) Thilsual chhuichhuah dan U/s 165 chu mi 5 ( Panch ) te hmaah ziahchhuah tur ani .

(ii) Thil diklo chhuina hmunah chuan Panch member ( 5 ) te an telve ngei ngei tur ani .

(iii) Hnuchhui lai zawng zawng chu Video film a record vektur ani . A video film thlalatu chu 161 Cr. PC section hnuai a enfiah tur ani a , a thuhla uluk taka ziahchhuah vek tur ani.

(iv)  DVD / CD a hnuchhuina video film chu a cameraman hnen atanga lain Court ah thlen vek tur ani . Tin Panchnami 5 te pawh an telve ngei ngei tur ani .

(v) Thil diklo tihna hmun chu chiang tak a ziahlan tur ani ( Panchanama ) 

(vi) Thilsual ti a puhna lehkha copy U/s 165 Cr.PC chu thilsual ti tute chuan an dawng ve vek tur ani .

(vii) Thil tisualtu a puh ten an dawr/hnathawhna hmun a an awm laiin an dawr leh a velte thlalak vektur ani . Tin VCD/DVD hmang a an aumdawn dan vel chiang taka tihlan ngei tur ani e .

(viii) An dawr hawn phalna Permit chu a petu department leh Taxation dept. ten an mansak vektur ani . 

(ix)  An electric bill pekna lehkha leh an in number lak tur ani.

(x) Dawr neitute chiangkuang taka enfiah tur .

(xi) Dawr bulhnai a khawsa mi 2 tal enfiah ngei tur ani bawk .

(xii) In neitu leh Inluahtute inbiakremna lehkha kha laksak a enfiah tur . Tunge a LSC neitu diktak hriatchhuah tur ani.

(xiii)  Inluahman tha tak a pek ani em tihte hriatchian tur .

(xiv) An stock register mansak tur .

(xv) An DVD/ VCD pekchhuah / hralhchhuah dan ziahna register bu mansak tur .

(xvi)  Anmahni DVD/VCD dawr thintu mi pakhat tal man tur ani .

(xvii)  An thil tihsual lai ngeiin man tumtur ani .

(xviii) Copyright petheitute te pawh kha enfiah anni tur ani . Kan mi man a kha Rights/phalna an pelo tih finfiahna atan .

(ix) Phalna petheitu te lehkha a awm em tih lakkhawm tur .

(xx)  Henglai vel a video hawh theihna Library velah member ani em tih enfiahna .

(xxi)  Complaint te a awm chuan uluk tak a enfiah .

(xxii)  Thilsual ti a puhna a mankhawm zawng zawng chu an puh a chu hriattir tur ani .

(xxiii) Dan phalna nilova sumdawnna thil lakluh a awm chuan U/c 165 Cr. PC dan anga hmalak tur .

RTI  Act  hmanga Pu Vishal D.Jhodge-a'n  kum 08.08.2008  a The Public Information Officer , Copyright Information Officer leh Department of Secondary & Higher Education Ministry of Human Resource Development te hnena  a  zawh leh an rawn chhanna tlem a hnuaiah hian tarlan ani :

Zawhna :   IPRS a in register member te hla emaw zai video emaw te tichhuak turin IPRS  ah hian  satellite Radio/Cable TV emaw Audio-Video Medium hmang te a  tihchhuak emaw hmang  emaw  turin phalna (performance licence) dil a ngai kher em ?

Chhanna :  Aw,  hei hi Copyright Act 1957 Section 30 na in a phut angin dil ngei ngei tur ani.

Zawhna : Anih heng mipui punkhawmna, Restaurants leh an Staff quarter, Hotel Room leh an staff quarter, Cable TV, Hotel Service apartment, Banks, Office, IT/BPO Company  hmun , Club huamchhung, Shopping Malls, Retail showrooms, Gym, Hospital, Intihlimna Park , Clinics leh sumdawnna hmun reng reng a IPRS a in register member te music  play tur hian IPRS phalna neih ve a ngai em ?

Chhanna : Aw,  Commercial thil reng reng ah Copyright Holder te music/hla play anih dawn in Copyright holder emaw Society (IPRS) emaw hnen atanga phalna lak chu tih ngei ngei tur ani.

Zawhna :  Anih leh phalna tello leh neilo in Copyright neite hla/Music  kha ka sumdawnna ah emaw te lo hmang ta ila, eng hremna nge Copyright Act chuan ka chungah a lek ang  ?

Chhanna :  Copyright  Act  1957  Section 63 na in a sawi angin tupawh hre reng chunga mi Copyright a palzut chuan a tlem berah thla ruk (6) atanga kum thum (3) thlengin lungin a tang thei a. Tin, pawisa Rs. 50,000/- atanga Rs. 2 Lakhs/- thlengin pawisa a chawi thei ani.

Issued by MZI, Gen. Hqrs.Aizawl Mizoram.