Kross Pathian thiltihtheih loh na

KROSS PATHIAN THILTIHTHEIH LOHNA tetea chhangte

Calvary tlanga Nazaret tlangval hmeltha, khawvel sual phura khenbeh a chu tidamtu anihna hmusit tak in an cheksawlh,,mipui tei velte chuan anchhia tinreng an cheh khuma,an lu thingkhum in an hnuchhawn ani.Mathaia 27:42-kan chhiar chuan Calvary ennawm chhuah entu te chuan”Midang mah atidam a lawm,amah hi intidam sela kan ring ang chu”an tihkhum a.Pathian hnuchhawn kross ramreh chu Krista Isua Pathian nung fapa chuan amah lawng lawng(tisa in)a tuar ani.”Hei hi ka fapa ka lawm em em achu ani athu lo ngai rui’atih akhan”Ka Pathian engah nge mi kalsan”thlaphang aurawl chu Pathianin a hrelo ani hauh lova,Eden bawhchhiatna thaibo tur chuan Engkim ti thei a khan thiltih nei lovin,mi zawng zawng anchhedawng phurh chu amah tisa ngeiin Krista chuan atleitlak ani.Pathian hian engkim ati thei a,engkim erawh ati vek kherlo thin lo ani.

Thi zia reng misual an khenbeh vet te chuan ti elin”In tidam la kei ni pawh min tidam ta che”anlo ti chamchi bawk a.Pakhat zawk erawh chuan sualna leh ngamthlemna reng neilo hmelpu,mitmeng hmangaihna a khat chu a han en a,arilru puthmang thlaksakin a awm ta nghal a,chu misual chuan a thih dawn darkarah thinlungin Krista chu a hnaih tirta ani.Isua kianga an khenbeh ve,kross ban inkar hlat zawng inang reng a khenbeh te hian Isua hnaih zawktu an awm tlat lawi ani.

“Isu,I ram I thlen hun ah mi hrereng ang che”ti ngam tawk misual pakhat zawk chuan ngaihdamna a chang ani.Rawngbawl tura chunglam kohna ka dawng lo titu te hian Pathian an la hnaih tawk loh vang mai ani.Misual ngaihdamna chang zawk tu hian a tunhma hunah khan thiltha tih reng anei lova,Rawngbawla thiltha tih lehna hun pawh anei thei hek tawh lo ani..Chutichung chuan mihring fapa hian vankhua leh tui nihna ape tho ani.Vanah lawman sem ala ni dawn,Tirhkoh Paula chuan” Krista ni ah chuan tur ka nei ang” ati a.keini ringtute hian Lalpan Talen min pek hi kan ti pung ve em le?misual khenbeh nun thlakdanglama chu Isuan he khawvela a thian neih hnuhnung ber ani ta ani.”Bawih ka ti leh tawh lovang che u,thian te ka ti tawh zawk ang che u” min ti a,Krista thian ini thei dawn em?

Lal Isua thihna a vanga Paradise thleng hmasa ber chu inti chekvawn leh puithuna hlira khat te anni hauhlo mai a,lal Isua hnaihtu a khan a thleng hmasa ber ani.Pathian lamah penkhat pen la, a ni erawh chuan penhnih ilam a arawn pan thung ang.Pathian hmangaihna thukna ropui Golgothaa kehchhia chuan hrethiamlo te tan pawh huapzo chhandamna arawn buatsaih ani.Lal Isua hi min chhandam theilo khawpin a ban tih tawiin a awm lova,midang dam nan Pathian thiltihtheihna inrawlh lovin,Pa thiltihtheihlohna hmangin kan sual min tlenfai sak a, chu chu a ring apiangte tan a chhandamna tur a Pathian thiltihtheihna a lo ni zawk ani.Mahni intidam thei lo khan kan natna zawng zawng phurin kan leibat min tlaksak ani.