Tlangval huaisen hosea

TLANGVAL HUAISEN HOSEA Tetea chhangte

)Min thlahtute kan pi leh pute hunlai atang daih tawh khan huaisenna hian hmun pawimawh tak achangin, sakawlh leh indona hmuna filawr huaisente phei chu tunlai angin nula fawrpuina tur Bike nei ve kher mahsuhse nulate laka an tlaktlumna adalphah chuang reng renglo,mitinte hian mihuaisente hi kan chung enin kan ngaisang em em a atur renga khuanu rel pawh ani mahnale,kei huaisen ka tih ve zawng chu danglamna em em neilo mahsela thenkhat huaisen tihte nen chuan danglamna sihchhum tham leka te tham a awm mial mahnale,I thutna hmunah khan huaisen ka tihzawng chu kan hlui dawn teh ang che .
Zawlnei Hosea hunlai a Israelte laka Pathian lungnihlohna chu milem biaknate,zuruihna,hurna,inthamna te,thisen chhuahna thuahte ani.heng sualna chi hrang hrang hmang a Lalpa hransana uiresantu israelte chuan an nihna an hriatchhuah theihna tur leh Lalpa Pathian thinlungah engang fakauva hmun changsang nge tih an in hriatchhuah theih nana Hosea hnena Lalpa thu lo thleng chu:
‘KAL LA, NAWHCHI ZUAR NUPUIAH NEI LA’
NAWHCHIZUAR LALAH FA VA HRING RAWH ‘
tih a ni mauh mai le.
Tunlai chhuan thalai ringtute zinga thu lo thleng ni ta sela chuan nawhchizuar nupuia nei tur a Pathian thu fehchhuahpui duh chu an vang ve ta pharh ang le ! thinrik tham lek chu an awm mahnale.Tlangval hnahkhat ‘Vai buh ei theuh theuh,an thawhchhuahsa ka eibik lo em mai’tichin tan pheichhuan thinlung puthmang dah hniam a hriat ngailoh lenglerh partinlawri rimthlu tur a hriat ngaihloh,fan ngailoh khawi ilai daikil chawmpangkar hrutchhuah ngaizawng a zawnchhuah ngai leh lungthlu zan lo tu hnena biahthu hlan chu thil awlai ani tawp lo ang le.Pumpelh hram tumin’Ka pa,rem itih chuan he no hian min pel lul rawhse’tih thu hi kan duhthar vulchukin changthlanah kan hmang nghal duh mai awm e.thu hnu dawn lova palzutchunga ‘atha nghah nan ani mai alawm’tia thu keuhthluka nawhchizuar lam pan a thinlung tih tuiral chu kan hlat tave fu ang le.Kohna danglam bik dawngin zawng meideh deuh ang zar a chiangin Pathian hian inlarna maksak theuneu lo tu emaw hmuh tir in ,Paula engin a chhunthluk aia chiang mahin,eng mai nilo tek in mahni hming pawh theihnghilh thak khawpin deng khuluih mahsela’ka mumang mai mai ani ang’tiin chhuanlam ala siam lui tho mai lawng maw ? Hosea kohna dawn hi chhanglet turin huaisenna zawngzawng sawmkhawm a bengsik meuh a ngaihtuahna sawrbing tlut tlut a ngai ngei ang le. 
Tlangval hnahkhat ve tho Hosea erawh chu midang hmuhzawh loh vang leh zarbuaitu dang neih loh vang em em pawh nilo in a tirtu thuneihna in a nun a luahkhah tawh zawk a vangin’ka lo in ngaihtuah ve phawt ang e’tih pawh awm lo in Diblaima fanu Gomeri chu nupuiah a nei ta mai ani.Hosea nun hian ringtute chu mahni duhthu a nung tur kan nilo tih leh Pathianin min tirhna hmun apiangah kal mai tur kan nihna min tarlan sak chiangin,mahni duhdan kalsan a thinlung sakhat Pathian zai ngaichung zel a kan hmabak tih tur hlenchhuak zel turin thalaite min zirtir,min fuih a ni.
Hmangaihtu nei tawh lova nawhchizuar Gomeri dinhmun anga dinga in hriaten”min lo va hmangaih em’anlo tih theih nan te,mahni pawh in ngaidam zo tawh lo khawp a’ka lo sual em’titu te tan pawh a an mahni hnuatsual a hmusit velo tu,nawhchizuar mi thinhrik hnu pawh la hmangaihtu Pathian anihna kawh hmuhtu ni tur a mahni duhdan vuiliamna nun neitu hi keizawng ‘tlangval huaisen Hosea’ka tilo thei lo ani.