ṬAWNGṬAINA -1 Tetea

TAWNGTAINA.tetea chhangteLal Isua ringtute hamthatna leh vohbik annihna ropui ber chu Pathian be thei annihna hi a ni a,chu chu TAWNGTAI kan tih hi ani.Mihringin a thiltihtheih ropui ber chu tawngtai thiltihtheihna hi a ni.Tawngtai ngailo mi ai chuan tawngtai tlat mi chuan chakna apai tam zawk a,ringtu chaklo ber pawh thinlunga atawngtai chuan setana a khur thin a ni,miin tawngtaina a thlahthlam chuan a thil neih rohlu berte zing a mi a chan a ni.Nikhat chu Assuria sipaiten Jerusalem epin riahbuk an sual mup mup a,Senakeriba chuan Lal Hezekia hnenah vauna thu athawn a,Israelte tih tiau leh tih taitamna tur thu vauna ngei mai chu, Hezekia’n lehkha a hmuh veleh chuan a khawnbawlte rawn mai lovin a rin a innghahna Pathian hmaah chuan vauna lehkha chu pharhin a tawngtai ve ta thung a,tanpuina Lalpa hnen a tanga lo thleng Vantirhkohte chuan Assuria sipai 185000 te chu an nuai chimit ta a ni,tawngtai thiltihtheihna a vangin Hezekia chuan hnehna hlado a chham theih phah ta ani.Ringtute hian kan nuna harsatna kan tawh hian ni hnuaia thil engkim kan hmuh theih apiang kan be rawn ta thin a,Lalpa hawisanna thinlung neiin mihring ban tha chakna hman kan tum fo a,Harsatnate Pathian hnena thlenin kan tawngtai zawk tur ani.Lal Isuan Amah ringtute chu antam mufangkhat ang rinna nei a tawngtai turin min zirtir bawk a,rinna sakhat antam mufang anga thinlung sakhat nei a tawnghtaina chuan tlang sawn theihna hial thiltihtheihna a keng tel a ni.Pitar pakhat chuan atukverh atanga a hawivel theihna daltu thingkungzar lian tak chu Pathian lakbo sak turin a ngen a,ahan dakchhuak a,thingkung chu a ngai ngaiin a lo la awm si a,’ka rin ang chiah’ati e an tia lawm.Tlang insawn loh ringa a tawngtai chuan engtin nge a insawn tehlul ang ni.hmu tawh a inngai khawpa rinna neih atul a chutiang tawngtaina chuan thil a tidanglam thin a ni.A ring ngamtu nunpuitu tawngtaina chhangtu Pathian a ni.Paula chuan bang lova tawngtai turin min zirtir a,hemi awmziachu englai pawh a pun sep sep reng a Pathian hnena dil reng tura min tihna erawh a nilova,tawngtai nun a nung reng turin thahnem ngai takin min hrilh zawk a ni.kan tawngtai reng tur ani tihna pawh a ni tho mai.Kan tawngtaia thil kan dilin a thawk a phit a phitin ‘Aw le’ ati nghal mai fo lova,achhan tlak a kan nun kan hman te pawh hi a nghak ve fova,chhhiahhlawh cheibawl theih tur ang zawnga ringtute tawngtaina hi Pathian hian “Awle,chhan ani e’ati nghal mai lo bawk.Pathian hian tawngtainna hi chithumin min chhang thin, “Awle” “Nilove” “Lo nghak rih rawh” tih hmang te in chhanna min pe thin ani.Mihring rilru hmanhmawh leh ti thawt thawt,thuai thuai se titu thinlung nen chuan a inmil fo lova,tawngtaina hlawhchham ta ang hiala inngaih te pawh a awm thei bawk.Nimahsela heng tawngtaina chunglam chhandan hi kan tana thatna tur hre zawkin rem min ruatsak dan kalphung mihring tihdanglam theihloh ani.Thawklehkhat Amen zawh rualin chhanna I dawng nghal lo mai thei,chung avang chuan beidawng mail ova Pathian fa nihna dinhmun atangin dil ngut ngutte pawh a nghaihchang a awm ve thin ani.Thlarau mi chuan dawhtheihna anei thin a,thlarau mi nitura chunglamin mihringte a buatsaihdan pawh anifo bawk thin,awle beidawng lovin tawngtai zel mai rawh le.