Ṭawngṭaina - 2

Awle,Pathian hmaa kan tawngtaia rilru puthmang tur leh kan felna atan Krista,kan tan finna Isua,Kan tlantu Messia ah te kan nihna hrang hrang hmang a Pathian kan dawrna tur atana kan chanvo nihna chithum ihan chhui ho teh ang u.1) FA NIHNA ATANGIN (IJohana 3:1):-Pa chhungril hmangaihna thuk ber chuan afa ah min pawm a,fa in apa hnena aduh leh amamawh ngamtlak taka adil ang hian nel takin pafa nihna atangin Pathian kan pa hi kan dawr tur ani.Isuan,”fa in pa hnenah chhang dilin tuin nge lung pe ang che u”ati mai a.Pathian nen hian pafa kan ni tih hi kan lo mang nghilh leh thin in,kan thinlung hian Pa hi mihran en in fa nihna pawm lovin kan lo hransan leh thin alawm le.”Vawk kawchhungah min luh tir rawh”tia ramhuaite dilna mah a tihhlawhtlin sak ani ngai anih si chuan fate dilna tawngtai hi ava chhang nasa dawn rua em tih hi mathei lovin ring phawt mai rawh.
2) THIAN NIHNA ATANGIN :-”Bawih ka ti leh tawh lovang che u,thiante ka ti tawh zawk ang che u”min ti a.Ringtute hian Pathian nena kan inlaichinna hi kan chianglo em em mai bawk a,Isua vekin chanchintha bu ah tuin emaw athian hnenah ei tur dilin zan rei tak hnu ah pawh kawng kik sela kawng rawn hawn nghal mah suh sela,adil ngut ngut avangin dilna tihlawhtling turin thian chuan kawngkhar ahawng ngei dawn tih zirtirna thutiam min pe ani.Thian tana nun neitu chuan”Miin athian tana nun apek aliama hmangaihna nasa zawk engmah a awm lo”tih min hrilh chiang bang ani.Thian tana nun neitu chuan keini athian te tan anunna ahlan a,kross lerah a thian tana a thilphalna chu atakin a tarlang a,nang ringtu Krista thian,i hringnun zawh laiah harsatna tawkin Lalpa i au thin a puihna nghakin chawp leh chilhin alo thleng mai silo,beidawng suh la dilna tawngtai hmangin Lal Isua beram kawngkhar hi kik zel mai rawh.Misualte thian uirenu kiangatlei thin,chhiahkhawntute ina thleng thin leh chanloh khana chhuak thin,a thutiam leh a zirtirnaa mi rinawm chuan chhanna duhawm ape ngei ang che tih hi tiam tlat ani.
3) CHHUNGKHAT NIHNA ATANGIN :- (Luka 8:19-21)Chhungkua chu an inrawn khawm a,chhungkaw zinga tuemaw peizawn ngai chu chhungkua nih a vangin an in chhawmdawl thin ani.Pathian chhungte kan ni a,mithianghlimte nene tualkhata lengza kan nih thu leh Pathian thutak hriaa zawmtute chu krista unaute,achhungte kan nih thu Lal Isuan min hrilh bawk a,adum leh avar,thim leh eng,dik leh diklo,tha leh tha ziktluak lo,itan a aber tur kawng thlanfel tur i hriatloh lai khan engkim chingfel theitu lehengkim siam rem theitu achhungte,mipa chi lak ata hrin nilo mi famkima chu inei tih hriain chhungkhat rilru puin Lalpa hi tawngtaiin dawr fo thin tawh rawh le.
Awle,Pathian hi thutiam a rinawm anihna hrerengin tawngtai theih hun kawngka hawh ala nih lai chhung ngei hian tawngtai mawlh mawlh mai rawh.Thuhrilnate tihban anih rualin he leia tawngtai theih hun hi tih tawp ala ni dawn a,mi tam tak tawngtai ngai miahlo an awm a,kan thurin bible chuan heng mite hi loh theihlohna in ala nang ang a an la tawngtai tur thu min hrilh a,tun hun ah tawngtai tello nun leh Pathian ngaihsak duhlo nunin la tal zit phar phar mahsela thupuan 6:16 ah chuan”chung hunah chuan beramno thinurna lak ata chhandam turin tlang hnenah te delh turin an la dil ngawih ngawih ang”ati an.Heng hun tawngtaiin awmzia aneih tawh loh hunkhrih hi atawng tu nilo turin inbuatsaih rawh.tawngtai loh theihloh hun,mahse asawt tawh loh hun hi ala aw dawn si a.
x